Վաշինգտոնի վրայով մարդատար ինքնաթիռին բախված ուղղաթիռի անձնակազմը հսկիչին ասել է, որ մարդատար ինքնաթիռը տեսադաշտում է։ Այս մասին հայտնում է ТАСС-ը՝ հղում անելով Associated Press-ին (AP):Գործակալությունը հրապարակել է դիսպետչերների խոսակցությունների ձայնագրությունը։
Ըստ լրագրողների՝ դեպքից մոտավորապես 30 վայրկյան առաջ դիսպետչերները փորձել են կապ հաստատել ուղղաթիռի օդաչուների հետ։ Նրանք հարցրել են, թե արդյոք անձնակազմը կարող է տեսնել, թե ինչպես է ինքնաթիռը մտնում վայրէջքի գոտի:
Անձնակազմի անդամներից մեկը հաստատել է, որ ինքնաթիռը տեսադաշտում է եղել:Խոսակցությունից մոտ 20 վայրկյան անց ձայնագրության մեջ լսվում է, թե ինչպես են բախմանը արձագանքած հսկիչները հառաչում: Այնուհետև նրանք սկսել են միջադեպի մասին ահազանգել այլ ինքնաթիռների օդաչուներին:
Կանզասից թռչող Bombardier CRJ700 ինքնաթիռը օդում բախվել է Sikorsky H-60 ուղղաթիռին՝ Վաշինգտոնի Ռեյգան օդանավակայանում թռիչքուղու մոտենալիս: American Airlines-ը հայտնել է, որ ինքնաթիռում եղել է 60 ուղևոր և անձնակազմի չորս անդամ: Ուղղաթիռում առնվազն երեք զինվորական է եղել։ Ուղղաթիռը ուսումնամարզական թռիչք էր իրականացնում։
