ԱՄՆ-ի Դաշնային պահուստային համակարգի (ԴՊՀ՝ Կենտրոնական բանկի անալոգը) բազային տոկոսադրույքի զգալի նվազումը կհանգեցնի նավթի գների նվազմանը, հայտարարել է ԱՄՆ նախագահ Դոնալդ Թրամփը, գրում է ՏԱՍՍ գործակալությունը։
Ամերիկացի նոր առաջնորդի խոսքով, երբ նավթի գները իջնեն, «ամերիկացիների և ամբողջ աշխարհի համար ամեն ինչ կէժանանա»։
Բացի այդ, թանկացումների աճի տեմպերը կնվազեին։ Սա իր հերթին պայմաններ կստեղծեր, որ հետագայում բանկային տոկոսադրույքները նվազեն։
Դեկտեմբերին Fed-ը ևս մեկ անգամ նվազեցրեց տոկոսադրույքը 25 բազիսային կետով՝ մինչև տարեկան 4,25–4,5%։
Նախօրեին Լոնդոնի ICE բորսայում 2025 թվականի մարտին մատակարարվող նավթի գները նվազում էին Սաուդյան Արաբիայից և ՕՊԵԿ-ից նավթի գների իջեցում փնտրելու Թրամփի հայտարարության ֆոնին:
Լոնդոնի ICE բորսայում 2025 թվականի մարտին մատակարարվող հյուսիսծովյան Brent նավթի հենանիշային ֆյուչերսների արժեքը նվազել է 1,24%-ով և կազմել մոտ 78,02 դոլար մեկ բարելի դիմաց։
