ԱՄՆ նախագահ Դոնալդ Թրամփը Եվրամիությունում դեսպան է նշանակել Էնդրյու Պուզդերին, ով զբաղեցրել է Carl's Jr և Hardee's արագ սննդի ցանցերի գործադիր տնօրենի պաշտոնը: Այս մասին գրում է The New York Times-ը։
Թրամփը 74-ամյա Պուզդերին նկարագրել է որպես հաջողակ իրավաբան, գործարար, տնտեսական մեկնաբան և հեղինակ։
2020 թվականին Պուզդերը դարձավ Carl's Jr և Hardee's արագ սննդի ցանցերի մայր ընկերության գործադիր տնօրեն:
Ինքը՝ Թրամփը, նշել է, որ իր 17 տարվա գլխավոր տնօրենի պաշտոնում Պուզդերը ղեկավարել է ընկերությունը ֆինանսական լուրջ դժվարություններից։ Նա կարծում է, որ Պուզդերը հիանալի աշխատանք կկատարի՝ ներկայացնելով ԱՄՆ շահերը Եվրոպայում:
Հունվարի 21-ին CDU (Գերմանիայի Քրիստոնեա-դեմոկրատական միություն) կուսակցությունից Գերմանիայի կանցլերի թեկնածու Ֆրիդրիխ Մերցը կոչ է արել Եվրոպային միավորվել Թրամփի իշխանության գալուց հետո։
