Սաուդյան Արաբիայի արտաքին գործերի նախարար արքայազն Ֆեյսալ բեն Ֆարհան Ալ Սաուդը մեկօրյա այցով կմեկնի Լիբանան՝ աջակցելու երկրի նոր ղեկավարությանը։
Ինչպես հաղորդում է Al Nahar թերթը, նա բանակցություններ կվարի հանրապետության նախագահ, գեներալ Ջոզեֆ Աունի եւ վարչապետ Նաուաֆ Սալամի հետ, ում հանձնարարված է նոր կառավարություն ձեւավորել։
Սաուդյան Արաբիայի ԱԳՆ ղեկավարը վերջին 15 տարում առաջին անգամ կայցելի Բեյրութ, ինչը, ինչպես գրում է հրատարակությունը, վկայում է Էր Ռիադի ցանկության մասին՝ վերականգնել իր դիրքերը Լիբանանում Իրանի ազդեցության թուլացումից և նոր իշխանության գալուց հետո։
Հունվարի 21-ին Դավոսի Համաշխարհային տնտեսական ֆորումում ելույթ ունենալով՝ արքայազն Ֆեյսալ բին Ֆարհանը հունվարի 9-ին լիբանանյան բանակի նախկին հրամանատար Ջոզեֆ Աունի ընտրությունը երկրի նախագահի պաշտոնում ավելի քան երկու տարվա քաղաքական ճգնաժամից հետո դրական քայլ է անվանել։ Նա հույս է հայտնել, որ շատ մոտ ապագայում կձևավորվի Լիբանանի նոր կառավարություն։
