Հնդկաստանի իշխանությունները դեմ են անօրինական միգրացիային և պատրաստ են քննարկել այդ խնդիրը ԱՄՆ նոր վարչակազմի հետ, սակայն հանրապետությունը կոչ է արել ԱՄՆ-ին ուշադրություն դարձնել ամերիկյան վիզաների տրամադրման ժամկետների հետ կապված դժվարություններին։ Այս մասին ճեպազրույցում հայտարարել է Հնդկաստանի արտգործնախարար Սուբրամանյամ Ջայշանքարը։
«Մենք ցանկանում ենք, որ հնդկական տաղանդը և հնդկական հմտությունները ունենան առավելագույն հնարավորություններ գլոբալ մակարդակում: Միևնույն ժամանակ, մենք նաև կտրականապես դեմ ենք անօրինական միգրացիային», - ասել է նա:
«Յուրաքանչյուր երկրի դեպքում, և ԱՄՆ-ն բացառություն չէ, մենք միշտ ընդունել ենք այն մոտեցումը, որ եթե մեր քաղաքացիներից որևէ մեկը գտնվում է այնտեղ անօրինական կերպով, և եթե մենք վստահ ենք, որ նրանք մեր քաղաքացիներն են, մենք բաց ենք եղել նրանց օրինական վերադարձի համար Հնդկաստան, -ասել է նա։
Նրա խոսքով՝ այս դիրքորոշումը նա հնչեցրել է Վաշինգտոնում ԱՄՆ պետքարտուղար Մարկո Ռուբիոյի հետ հանդիպմանը։ «Միևնույն ժամանակ, ես նրան ասացի նաև, որ չնայած մենք բոլորս դա հասկանում ենք, մեր ընդհանուր շահերից է բխում օրինական և փոխշահավետ շարժունակության խթանումը»,-ասել է նախարարը։
