Ֆրանսիան մտադիր չէ խզել հարաբերություններն իր հակառակորդների, այդ թվում՝ Ռուսաստանի հետ ահաբեկչության դեմ պայքարի հարցերում։ Այս մասին հայտարարել է Ֆրանսիայի ներքին անվտանգության գլխավոր տնօրինության (DGSI, ներքին հետախուզություն) ղեկավար Սելին Բերտոնը։
«Երբեմն հետախուզությունում ասում են, որ մենք ոչ թշնամիներ ունենք, ոչ բարեկամներ: Մենք ունենք դաշնակիցներ և հակառակորդներ: Պետությունների շահերից է բխում երբեք չխզել կապերը, այլ իրենց հետախուզական ծառայությունների միջոցով կապի ոչ ֆորմալ ալիք պահպանելը», - ասել է նա: Le Point ամսագրին տված հարցազրույցում՝ ի պատասխան Ռուսաստանի և այս ոլորտում այլ երկրների հետ փոխգործակցության վերաբերյալ մեկնաբանությունների խնդրանքին:
«Ահաբեկչության դեմ պայքարը միավորում է: Եթե կա մի ոլորտ, որտեղ, չնայած բոլոր լարվածությանը և նույնիսկ դիվանագիտական բացերին, համագործակցությունը մնում է ինտենսիվ, դա այս մեկն է»,- հավելել է Բերթոնը:
