Եվրախորհրդարանի նախագահ Ռոբերտա Մեցոլան եվրոպական երկրներին կոչ է արել չվախենալ ԱՄՆ նոր նախագահ Դոնալդ Թրամփի քաղաքականությունից։
«Կարծում եմ, որ վաղուց ժամանակն է, որ մենք դադարենք անհանգստանալ և տրվել ահաբեկմանը, մեզ անհրաժեշտ է ավելի շատ եվրոպական վստահություն։
Մեզ պետք են Միացյալ Նահանգները, բայց Միացյալ Նահանգները նույնքան կարիք ունի Եվրոպային: Մենք միմյանց ամենամեծ առևտրային գործընկերներն ենք, և մեր համատեղ առևտուրը տարեկան կազմում է 1 տրիլիոն եվրո», - ավելացրել է նա:
Հանրապետական Թրամփը ԱՄՆ նախագահի պաշտոնը ստանձնել է հունվարի 20-ին։ Նա արդեն հայտարարել է ԵՄ-ի դեմ ներմուծման ավելացված մաքսատուրքեր սահմանելու մտադրության մասին, եթե Բրյուսելը չմեծացնի ԱՄՆ-ից նավթի և գազի գնումները։
«Ես Եվրամիությանն ասացի, որ նա պետք է փոխհատուցի Միացյալ Նահանգների հետ առևտրային հարաբերություններում հսկայական դեֆիցիտը մեր նավթի և գազի գնումների զգալի աճով – գրել է Թրամփը Truth սոցիալական ցանցի իր էջում։
