Չինացի գիտնականները ստեղծել են աշխարհում առաջին անօդաչու թռչող սարքը, որն արձակվում է սուզանավից և կարող է և՛ լողալ ջրի տակ, և՛ թռչել, գրում է South China Morning Post-ը։
«Ծալովի թևի յուրահատուկ դիզայնի շնորհիվ անօդաչուն թռիչքի ընթացքում մի քանի անգամ կարող է շարժվել ջրի և օդի միջև, ինչը զգալիորեն բարելավում է նրա քողարկման և գոյատևման հնարավորությունները», - ասվում է գիտնականների աշխատանքում, որը մեջբերում է հրատարակությունը:
Թևերը 5 վայրկյանում ծալվում են ջրի մեջ և ամուր տեղավորվում ֆյուզելաժի վրա, ինչը մեծապես նվազեցնում է ջրի դիմադրությունը, իսկ հատուկ պտուտակներն ապահովում են շարժը ջրի տակ:
