Թուրքիայի նախագահ Ռեջեփ Թայիփ Էրդողանը չորեքշաբթի կայցելի Թուրքիայի Բոլու նահանգ, որտեղ լեռնադահուկային հանգստավայրում բռնկված հրդեհի զոհ է դարձել 76 մարդ, հայտարարել է Թուրքիայի նախագահի աշխատակազմի կապի բաժնի ղեկավար Ֆահրեթթին Ալթունը։
Թուրքիայի Քարթալկայա քաղաքում (Բոլու նահանգ) երեքշաբթի առավոտյան լեռնադահուկային հանգստավայրում հրդեհ է բռնկվել, որի հետևանքով զոհվել է 76 մարդ, վիրավորվել՝ 51-ը։ Թուրքիայի նախագահ Ռեջեփ Թայիփ Էրդողանը չորեքշաբթի օրը երկրում համազգային սուգ է հայտարարել։
«Նախագահ Ռեջեփ Թայիփ Էրդողանը և առաջին տիկին Էմինե Էրդողանը այսօր կայցելեն Բոլա Այցի շրջանակներում մեր նախագահն ու առաջին տիկինը կմասնակցեն Քարթալկայայում հրդեհի հետևանքով զոհված մեր քաղաքացիների հուղարկավորության աղոթքին»,- գրել է Ալթունը։
