Մարդասիրական օգնություն տեղափոխող ինը հարյուր բեռնատարներ ժամանել են Գազայի հատված, որը վերջին ամիսներին բախվել է պարենամթերքի և հիմնական պաշարների խիստ պակասի՝ Իսրայելի կողմից անկլավի հյուսիսային հատվածի շրջափակման պատճառով: Այս մասին հայտնում է քաթարական Al Jazeera հեռուստաալիքը՝ հղում անելով ՄԱԿ-ի հումանիտար հարցերի համակարգման գրասենյակի (OCHA) զեկույցին։
Հումանիտար օգնություն տեղափոխող մոտ 900 բեռնատարներ երեքշաբթի օրը ժամանել են Գազա՝ Իսրայելի շրջափակման վերացումից հետո պատերազմից տուժած տարածքներ գնալու նպատակով:
Երկու շաբաթ առաջ OCHA-ն նախազգուշացրել էր, որ Գազայի հատվածում սովի ճգնաժամը շարունակում է վատթարանալ՝ կապված պաղեստինյան անկլավ մուտք գործելու խիստ սահմանափակումների հետևանքով սննդի մատակարարումների խիստ պակասի հետ:
Հումանիտար մատակարարումների վերսկսումը հնարավոր դարձավ այն բանից հետո, երբ հունվարի 15-ին Կատարի կառավարության ղեկավար և արտաքին գործերի նախարար Մուհամեդ բեն Աբդել Ռահման Ալ Թանին հայտարարեց, որ Վաշինգտոնի, Դոհայի և Կահիրեի միջնորդական ջանքերի արդյունքում հակամարտող կողմերը պայմանավորվածություն են ձեռք բերել Գազայի հատվածում պատանդների ազատ արձակման և Գազայում ռեժիմի զինադադարի մասին։ Ռազմական գործողությունների դադարը պաշտոնապես եկավ հունվարի 19-ին։
