Գևորգ Սաֆարյանը գրում է․
«Այսօր «հրավիրվել էի» Քննչական Կոմիտե։ Նիկոլական ռեժիմը հիշել է, որ ապրիլի քսանչորսին, մի խումբ անձինք, Ծիծեռնակաբերդում վանկարկել են «նիկոլ դավաճան», «նիկոլ ցեղասպան» և հարուցել է քրեական գործ։ Ռեժիմը հասկանալով, որ ԱԺԲ֊ն միակ ընդիմադիր ուժն է, հերթական շինծու քաղաքական գործն է հարուցում ԱԺԲ֊ի աջակիցների նկատմամբ։
Նիկոլ Փաշինյանը հանդիսանում է դավաճան և հողատու և յուրաքանչյուր քաղաքացի իրավունք ունի իր այդ կարծիքը ազատորեն արտահայտելու։
Ինչպես հայտնի է, 2024թ. ապրիլի 24-ին՝ «Ծիծեռնակաբերդի» հուշահամալիրի անմար կրակին մոտենալու ժամանակ, վարչապետ Նիկոլ Փաշինյանի կնոջ՝ Աննա Հակոբյանի եւ նրա դստեր ներկայությամբ «Ազգային ժողովրդավարական բեւեռի» անդամները բղավել էին՝ «Դավաճան», «Հողատու»։ Միջադեպից հետո 7 անձ ձերբակալվել էր»։
