Ռուսաստանի նախագահ Վլադիմիր Պուտինը հեռախոսազրույց է ունեցել Բելառուսի նախագահ Ալեքսանդր Լուկաշենկոյի հետ։ Այս մասին հայտնել է Կրեմլի մամուլի ծառայությունը։
Զրույցի ընթացքում Ռուսաստանի ղեկավարը շնորհավորել է Բելառուսի նախագահին և բելառուս ժողովրդին Աստվածահայտնության տոնի առթիվ։
Պուտինը նաեւ հաջողություն է մաղթել Լուկաշենկոյին գալիք նախագահական ընտրություններում։
«Առաջնորդները հաստատել են իրենց փոխադարձ հանձնառությունը երկու երկրների դաշնակցության և ռազմավարական գործընկերության հետագա ամրապնդմանը և պայմանավորվել հետագա անձնական շփումների մասին»,- ասվում է հաղորդագրության մեջ։
