ԱԺ նախկին պատգամավոր Սոֆյա Հովսեփյանի ֆեյսբուքյան գրառումը․
«Օրեր առաջ տերմինալով պետք է բանկային հաշիվս համալրեի: Գումարը չստացավ ու մի քանի անգամ հետ ու առաջ արեց: Մի խոսքով` որոշեցի փոխել: Տարադրամի փոխանակման կետն ավելի հարմար համարեցի, քան Սիթիի դրամարկղը:
Մոտեցա այն պահին, երբ մի երիտասարդ 500 դոլար էր մանրելու ու իրենից պահանջեցին անձնագիր` գումարը մեծ է, անձը հաստատող փաստաթուղթ է պետք... չկար... Երկու րոպե անց երիտասարդը գումարը մանրած դուրս եկավ ... լուծումը գտան` երկու հատ 200, մեկ հատ 100 դոլար մանրելով ...Օրե՞նք ... Չէ, ինչպե՞ս ֆռռացնել անմիտներին ... Մարդիկ էս անիմաստ ֆռռիկների մեջ են ապրում:
Իրականում էս հարցը կարևոր էր նաև հանցագրծություն կանխելու առումով, բայց ահա´ ձեզ կանխարգելում, կամ էլ կանխարգելվու՞մ է, ու՞մ դարդն է ... հոպլյա ... երկու րոպե ու հարցը լուծվեց ... Հիմա գանք հայտարարագրին: Ի՞նչ եք կարծում, այլևս ամուսինը աշխատավարձը չի՞ փոխանցելու կնոջը, որ տան հոգսերը հոգան... Իհարկե´ փոխանցելու է, բայց արդեն թղթով... Հա, գուցե բարի գտնվեն ու օրինական ամուսիններին այս բեռից ազատեն, բայց ազգիս կեսը օրինական ամուսնական գրանցում չունի, դե՜ մենք ժամանակակից ենք ու ունենք «ժամանակակից» օրինակներ...
Խալխի տղամարդը ձեզ ինչու՞ է փող տալիս, բացատրի´ր, հարկի´ր... Չէ, էս ուղղակի օրինակ է, ամենապրիմիտիվ օրինակը, բայց մտածեք քեշ պահելու մասին, նաև չմոռանաք. լի՜քը գող ու հանցավործ պատժված չեն, բարձի տակը չդնե´ք, կտանեն ... Մի ճրթ ժամանակ ունեի, ասի կիսվեմ, թե ո՞նց ենք ֆռռացնելու անմիտներին»:
