ՌԴ ԱԳՆ պաշտոնական ներկայացուցիչ Մարիա Զախարովան Լոնդոնի և Կիևի միջև հարյուրամյա համագործակցության մասին համաձայնագիրը Մեծ Բրիտանիայի PR հնարք և Ուկրաինան նոր գաղութ դարձնելու փորձ է անվանել։ Նրա խոսքերը մեջբերում է ՏԱՍՍ-ը։
«Մոսկվան ցավում է, որ նացիզմի դեմ տարած հաղթանակի 80-ամյակի տարում բրիտանական իշխանությունները խոստանում են դարեր շարունակ աջակցել Ուկրոբանդերի նեոնացիստներին»,- ասել է նա։
Ավելի վաղ Լոնդոնում Ռուսաստանի դեսպանատունը բրիտանական օգնությունն Ուկրաինային ուղղակի սպառնալիք էր անվանել։
