Իսպանիայի բնակչուհի Անջելինա Տորեսը իր 112-ամյակի նախօրեին կիսվել է երկարակեցության գաղտնիքով և պատմել, թե ինչպես է իրեն հաջողվել ապրել մինչև այդքան պատկառելի տարիք։ Այս մասին հայտնում է Andalucia Information-ը։
Կինը ծնվել է 1913 թվականի մարտի 18-ին Բելվիսի մունիցիպալիտետում և ընտանիքի հինգերորդ երեխան է։
Խոսելով իր կյանքի մասին՝ Տորեսը նշում է, որ գրեթե երբեք չի հիվանդացել։ Կինը ասում է, որ իր երկարակեցության գաղտնիքը ամեն առավոտ խմած ըմպելիքն է՝ մի բաժակ ջուր՝ մի քանի կաթիլ կիտրոնով և մեկ թեյի գդալ շաքարավազ։ Հարյուրամյա բնակչուհին վստահ է նաև, որ երկար զբոսանքները և կյանքի նկատմամբ դրական վերաբերմունքն օգնում են իրեն պահպանել մարզավիճակը։
Նախկինում 110-ամյա ամերիկացի կինն իր երկարակեցության գաղտնիքն համարել էր պարը:
