Ես հիշում եմ այն ժամանակները, երբ Հայաստանում դատական ակտերի հարկադիր կատարման համակարգը ներդրվում էր, դա համընդհանուր շոկ էր առաջացնում, որ ո՞նց կարելի է գնալ մտնել մարդու տուն, հեռուստացույցը գրկել, հանել, երեխեքը լացեն և այլ: Այս մասին այսօր՝ հունվարի 16-ին կառավարության նիստում հայտարարեց վարչապետ Նիկոլ Փաշինյանը:
«Պարզ է՝ շոկ է, բայց կա այդ հետևանքին բերած գործողությունների շղթան, որը ոչ մեկին չի երևում: Այսինքն այդ մնացածը ուրեմն կարելի՞ է անել: Որովհետև դրանով մի ուրիշի իրավունքն է ոտնահարվել:
Բա այն որ այս հեռուստացույցը տիրապետողը մի ուրիշից է հեռուստացույց խլել, բա դրա մասին ե՞րբ ենք խոսալու, ե՞րբ ենք անդրադառնալու: Այսինքն այս վերջին գործողությունը չանելով, այդ ուրիշից հեռուստացույց խլելը լեգիտիմացնում ենք, ասում ենք դե ով ումից երբ կարող է հեռուստացույց խլի։
Եվ այսօր էլ սոցիալական ցանցերում մեկ էլ տեսնում ես գրեցին հայհոյանքներ, բաներ՝ այս ի՞նչ եք անում, հարկադիր կատարման կամ ինչ-որ գործողության մասին։Եվ այստեղ էլ է պետության և ապապետության հարաբերությունների մասին է խոսքը։
Եվ մենք պետք է գնանք պետական տրամաբանությամբ, և սա էլ է այն դեպքը, ոչ պետությունը գործ ունի բացարձակապես ամեն ինչի հետ»,-ասաց նա:
