Այսօր քաղաքական գործիչ Էդգար Ղազարյանի բռնության գործով հերթական դատական նիստն էր, որին, սակայն, երկրոդ անգամ ներկա չէր Էդգար Ղազարյանին ծեծի ենթարկածի շահերի պաշտպան, Ղազարյանին դատական նիստի ընթացքում հայհոյած փաստաբան Սմբատ Մինասյանը։ Դատարանում, Ղազարյանի խոսքով, խուլիգանական վարք դրսևորած փաստաբանը չի ներկայանում, քանի որ գիտի՝ ինչ հանրային պարսավանքի կենթարկվի։
Ի դեպ, նախորդ դեպքում էլ, այս անգամ էլ դատարանը որպես փաստաբանի բացակայության հիմք վկայակոչվեց բժշկական փաստաթուղթ։
Հիշեցնենք, որ փաստաբան Սմբատ Մինասյանն Էդգար Ղազարյանին ուղղված հայհոյանքներ և սպառնալիքներ էր հնչեցրել։ Փաստացի, նա վախեցել կամ զգուշացել է։ Նա դեռևս ներողություն չի խնդրել Էդգար Ղազարյանից։
Հիշեցնենք, որ հոկտեմբերի 18 –ին անհայտ անձինք հարձակվել և բռնության էին ենթարկել քաղաքական գործիչ Էդգար Ղազարյանին։
Նիստին մասնակցում էին մեղադրյալները և նրանց երկու փաստաբանները։
Հիշեցնենք, որ նախորդ դատական նիստի ժամանակ Բագրատ Սրբազանը, մեծաթիվ աջակիցներ դատարան էին եկել՝ ի աջակցություն Էդգար Ղազարյանի։
