Եվրախորհրդարանը նոր բանաձեւով կարող է Վրաստանից պահանջել պատերազմ սկսել Ռուսաստանի հետ։ Այս մասին ասվում է իշխող «Վրացական երազանք-Ժողովրդավարական Վրաստան» կուսակցության քաղխորհրդի հայտարարության մեջ, փոխանցում է Lenta-ն։
«Հաշվի առնելով առկա միտումները՝ Եվրախորհրդարանի հաջորդ բանաձևում, մեծ հավանականությամբ, Վրաստանից բացահայտ կպահանջվի պատերազմ սկսել Ռուսաստանի հետ»,- հնարավոր պահանջի մասին ասել է կուսակցությունը։
Հայտարարության մեջ նաև հիշեցվել են Վրաստանի վերաբերյալ Եվրախորհրդարանի կողմից արդեն իսկ ընդունված հինգ բանաձեւերի մասին։ Դրանցում, մասնավորապես, պահանջվում էին պատժամիջոցներ սահմանել Ռուսաստանի և «Վրացական երազանքի» պատվավոր նախագահ Բիձինա Իվանիշվիլիի դեմ, ինչպես նաև ազատ արձակել երկրի նախկին նախագահ Միխեիլ Սաակաշվիլիին։
