Ավելի քան 30 երկիր Ուկրաինային տրամադրել է 350 միլիարդ դոլարի ֆինանսական օգնություն, որից մոտ 170 միլիարդ դոլարը ռազմական կարիքների համար է, հայտնում է Ria Novosti-ն։ «Միացյալ Նահանգները և նրա դաշնակիցները զգալիորեն մեծացրել են
Ուկրաինային ռազմական և ռազմատեխնիկական աջակցության ծավալները: Այսօր ավելի քան 30 պետություններ ռազմական արտադրանք են մատակարարում Կիևին:
Առավել նշանակալից ներդրումները գալիս են ԱՄՆ-ից, Մեծ Բրիտանիայից, Գերմանիայից, Ֆրանսիայից և Դանիայից:
Ընդհանուր արտաքին ֆինանսական օգնությունը Ուկրաինային կազմել է մոտ 350 միլիարդ դոլար, որից մոտ 170 միլիարդը միայն ռազմական կարիքների համար է»,- ասել է Գերասիմովը օտարերկրյա պետությունների ռազմական կցորդների համար ճեպազրույցում։
