Նոր սկանդալ է հասունանում Արագածոտնի մարզում։ Պարզվում է՝ Արագածոտնի մարզպետի՝ Սերգեյ Մովսիսյանի օգնականին՝ Արմեն Մարկոսյանին ձերբակալել չէր կարելի, այն էլ ասֆալտին ծեփելով և հատկապես առանց վերադասին զեկուցելու նրա մոտ հայտնաբերված նյութի մասին։
Այսինքն՝ ամբողջ իրավապահ համակարգը կարող էր տեղյակ լինել մարզպետ Սերգեյ Մովսիսյանի օգնականի մոտ ենթադրյալ թմրանյութի հայտնաբերման մասին, բայց դա հանրայնացնելու համար առնվազն դաբրո պիտի ստանար վերադասից՝ ՆԳՆ-ից կամ գոնե Արագածոտնի ՔՊ-ական մարզպետի կողմից։
Ստացվում է անգամ հանցագործություններ կարելի է ներել կամ խմբագրումներ անել, Արագածոտնի ստիկանապետը պարտավոր էր զեկուցել, հետո նոր իրեն թույլատրված չափով առաջնորդվել ու գործողություններ կատարել։
Euromedia24-ի աղբյուրը պնդում է, որ ՔՊ-ի ներսում ծանր են տարել այս աղմկահարույց լուրի տարածումը և ըստ մեր աղբյուրի՝ հիմա էլ թմրանյութի «տիրոջը» թեման թողած՝ ողջ արսենալով ընկել են Արագածոտնի ոստիկանապետի հետևից, ուզում են պաշտոնանկ անել։
Թիմում համոզված են, որ սարքել են Արագածոտնի մարզպետի գլխին, բանն այն է, որ ոստիկնապետի ու մարզպետի միջև վաղուց լարված հարաբերություններ կան՝ կախպված մարզպետարանում այլ միջադեպերի բացահայտման հետ, որի դեպքում ևս ոստիկանապետը գործել է առանց մարզպետի հետ համաձայնեցման, և ահա այսօր իրավիճակը պայթել է նրա օգնականի մոտ հայտնաբերված թմրանյութանման զանգվածից հետո, ինչ կլինի հետո՝ ցույց կտա ՔՊ-ի քաղաքական կամքը, կամ օրենքը կգործի կամ ոստիկանապետը կպատժվի՝ անկաշկանդ գործելու համար։
«Քաղաքական թիմի մարդ է բռնել ու շուխուր է դրել, բայց պիտի իմանա՝ ՔՊ-ի վրա բիծ գցել չէր կարելի», -այսպես են քննարկում ու վերլուծում մարզպետի օգնականի ձերբակալման մասին լուրը համայնքային ՔՊ-ականները՝ վրդովված օրինապահ ոստիկանապետի գործողությոններից։
Իսկ դա նշանակում է, որ ճիշտ են մեզ հասած տեղեկությունները ոստիկանապետին այսօր կանչել են «նա կավյոր»՝ վճռելու հետագա ճակատագիրը, կամ հենց այսօր պաշտոնանկ կարվի Ոստիկանապետ Սերգեյ Մուրադյանը կամ աղմուկից խուսափելու համար սկզբում կտեղափոխեն մեկ այլ մարզ՝ հանրային հետաքրքրությունը մարելու համար, հետո նոր պաշտոնանկ կանեն, որ Արագածոտնի ներկայիս մարզպետ Սերգեյ Մովսիսյանի հետ այն չկապվի։
Փոխատեղման հնարավորություն է դիտարկվում Արարատի մարզը, հուսանք՝ ավելի ուշ նոր ինֆորմացիա կհաղորդվի։
Հիշեցնենք՝ ավելի վաղ հաղորդել ենք Արագածոտնի մարզպետի օգնական-խորհդականի մոտ հայտնաբերվել է խոշոր չափի թմրամիջոց։
