Գյումրիի քաղաքապետի ժամանակավոր պաշտոնակատար, անկուսակցական Սարիկ Մինասյանը ՔՊ–ին անդամակցելու դիմում է գրել։
Այս մասին Irakanum.am–ի հետ զրույցում ասաց գյումրեցի պատգամավոր Էմմա Պալյանը։ «Սարիկ Մինասյանն այս պահին մեր թիմակիցն է։
Նա կուսակցությանը անդամագրվելու դիմում է գրել, և մենք պարոն Մինասյանի հետ պատրաստվում ենք Գյումրին շենացնել»,– ասաց Էմմա Պալյանը, հիշեցնելով, որ վարչապետ Նիկոլ Փաշինյանը իր ուղիղ եթերներից մեկում ասել էր, որ ով հաղթի նախնանական ընտրություններում նա էլ կլինի ՔՊ–ի քաղաքապետի թեկնածուն արտահերթ ընտրություններում։
Ըստ պատգամավորի այս պահին որեւէ փոփոխություն այդ առումով չկա։
Irakanum.am–ի հետ զրույցում Էմմա Պալյանն անդրադարձել է նաև Շիրակի արդեն նախկին մարզպետի հրաժարականին։Մանրամասները՝ տեսանյութում։
