Ինչո՞ւ և ո՞ւմ պահանջով ազատվեց Գոռ Աբրահամյանը, և ո՞վ կնշանակվի ՔԿ նախագահի մամուլի քարտուղար

16.12 12:53 | Կատեգորիա Հասարակություն

MediaHub-ը գրում է․ Երկու օր առաջ աշխատանքից ազատման դիմում ներկայացրեց Քննչական կոմիտեի մամուլի քարտուղար Գոռ Աբրահամյանը։

Նա երկար տարիներ դատախազությունում է աշխատել, և Աննա Վարդապետյանի՝ դատախազ դառնալուց հետո դիմում գրեց և դուրս եկավ դատախազությունից, քանի որ Վարդապետյանը չէր ցանկացել աշխատել նրա հետ։ Դրանից հետո մինչև վերջերս նա Քննչական կոմիտեի մամուլի քարտուղարն էր, բայց Աննա Վարդապետյանի ձեռքերը այստեղ էլ հասան Գոռին։

MediaHub-ի տեղեկություններով՝ Գոռ Աբրահամյանը Քննչական կոմիտեի մամուլի քարտուղարի պաշտոնից ազատվել է դարձյալ դատախազ Աննա Վարդապետյանի պահանջով, որպեսզի նրա փոխարեն դատախազությունից մի աղջիկ նշանակվի ՔԿ մամուլի քարտուղար։

Նշենք, որ Արգիշտի Քյարամյանի հեռանալուց հետո ՔԿ նախագահ նշանակվեց գլխավոր դատախազի տեղակալ Արթուր Պողոսյանը, և հիմա տիկին դատախազը, փաստորեն, որպեսզի ամբողջությամբ կառավարի Քննչական կոմիտեն ևս, որի հետ Քյարամյանի ժամանակ խոր հակամարտության մեջ էր, որոշել է, որ ՔԿ նախագահի մամուլի քարտուղարը նույնպես պետք է իր ուզած մարդը կամ իր կողմից վերահսկող մեկը լինի։

Թե որքանով կհաջողվի ՔԿ նախագահ Արթուր Պողոսյանին անկախ լինել և մնալ Աննա Վարդապետյանի տեղակալը, ցույց կտա ժամանակը, բայց այն, որ նրա խոսնակով էլ է արդեն դատախազ Վարդապետյանը զբաղվում, դա արդեն փաստ է և ոչ դրական փաստ։

Մեր տեղեկություններով՝ Քննչական կոմիտեի խոսնակ կնշանակվի Դատախազության հանրային կապերի աշխատակից Կիմա Հակոբյանը, որի ամուսինն, ի դեպ, ԱԱԾ աշխատակից Ռազմիկ Ավդալյանն է, և հիմա նա ամուսնու ազգանունն է կրում` Ավդալյան:

Մենք հիշում ենք, որ Կիման մինչև ԱԱԾ-ականի հետ ամուսնանալն ու դատախազություն տեղափոխվելը լրատվական կայքերից մեկում տեսանյութ կտրող է աշխատել: Եվ այժմ Աննա Վարդապետյանն ուզում է, որ Քննչական կոմիտեի ոչ միայն նախագահն իր կողմից ենթադրաբար կառավարելի մեկը լինի` որպես իր նախկին ենթակա, այլև նրա խոսնակը, դրա համար էլ իր աշխատակցին է որոշել գործուղել ՔԿ։

Արթուր Պողոսյանն էլ, փաստորեն, չի ընդդիմացել Վարդապետյանի ցանկությանը, որ Գոռ Աբարահամյանին ազատի և դատախազության աշխատակցին խոսնակ նշանակի, որից Աննա Վարդապետյանը, ենթադրաբար, ցանկացած պահի կարող է տեղեկանալ, թե ով եկավ Արթուր Պողոսյանի մոտ, որքան մնաց, ինչ հանձնարարականներ տվեց Պողոսյանը նրան և այլն։Մենք տեղեկացանք նաև, որ Կիման այսօրվանից այլևս չի աշխատում գլխավոր դատախազությունում, և, հավանաբար, հենց այսօր էլ կնշանակվի ՔԿ նախագահի մամուլի քարտուղար։

Ամենաշատ կարդացվածներ

Թող հիմա էլ ճակատին գրի, հետևին խփի «դուխով»․ Էջմիածնի վրա ոստիկաններ ուղարկելը վերջն է․ Հայրիկյան (տեսանյութ)

01.07 21:32 | Կատեգորիա Քաղաքական

Փաշինյանը վախից մտել էր մահճակալի տակ. գեներալը խոսել է իշխանությունների «անասնական վախերի» մասին (տեսանյութ)

02.07 22:15 | Կատեգորիա Քաղաքական

Կոտայքի մարզում «BMW X3»-ը մոտ 100 մետր մի քանի պտույտ շրջվելով բախվել է քարերին և հայտնվել դաշտում․ կա 3 զnh

01.07 23:27 | Կատեգորիա Պատահարներ

ԱՄՆ 20 նահանգ դատական հայց է ներկայացրել Թրամփի դեմ. Լուկաշենկոն ներում է շնորհել 16 դատապարտյալի (տեսանյութ)

02.07 19:03 | Կատեգորիա Հասարակություն

Մինչև ե՞րբ է մեր ժողովուրդը սա հանդուրժելու. քաղաքագետը «քաղաքական մարմնավաճառ» է համարում Մակրոնին (տեսանյութ)

01.07 22:42 | Կատեգորիա Քաղաքական

Էլինա Ավանեսյանը պարտվեց Ուիմբլդոնի մրցաշարի մեկնարկում

02.07 00:10 | Կատեգորիա Սպորտ

Պուտինը երեք անգամ փրկել է Նիկոլի հետույքը. Ա. Միրզոյանը ինչո՞ւ «вдруг» վրդովվեց. Նաիրա Զոհրաբյան (տեսանյութ)

01.07 22:07 | Կատեգորիա Քաղաքական

Ադրբեջանն Իսրայելին տրամադրել է օդային տարածք Իրանի դեմ. Սերգեյ Մելքոնյան (տեսանյութ)

02.07 20:37 | Կատեգորիա Քաղաքական

Հուլիսի 2-ին կմատուցվի Սուրբ և Անմահ Պատարագ․ Մայր Աթոռ Սուրբ Էջմիածին

02.07 00:30 | Կատեգորիա Հասարակություն

ՈՒՂԻՂ

Սթար-դուետ․ Մայլի Սայրուսը և Նաոմի Քեմփբելը միավորում են ուժերը կլիպում (տեսանյութ)