Կատարի ղեկավարությունը որոշում է կայացրել երեքշաբթի՝ դեկտեմբերի 17-ից, վերաբացել Դամասկոսում էմիրության դեսպանատունը, որը փակվել էր 2011 թվականին։ Այս մասին հայտարարել է Կատարի արտաքին գործերի նախարարությունը։
«Կատարի Պետությունը հայտարարել է եղբայրական Սիրիայի Արաբական Հանրապետությունում իր դեսպանության վերաբացման մասին երեքշաբթի օրվանից»,- ասվում է գերատեսչության X-ի էջում հրապարակված հայտարարության մեջ։
Զեկույցում նշվում է, որ «Դամասկոսում դեսպանատան վերականգնումը տեղի է ունենում 2011 թվականին Սիրիայի նախկին կառավարության հետ դիվանագիտական հարաբերությունների խզումից մոտավորապես 13 տարի անց» և «Կատարի հիմնարար աջակցության արտահայտությունն է սիրիական ժողովրդի հեղափոխությանը»:
Սիրիայում Կատարի գործերի ժամանակավոր հավատարմատարի պաշտոնում նշանակվել է Խալիֆա Աբդուլլահ Ալ Մահմուդ ալ-Շարիֆը, որը ղեկավարում էր Կատարի ԱԳՆ Աֆրիկայի դեպարտամենտը։
Նախկինում ալ-Շարիֆն աշխատել է Կատարի կառավարության ղեկավարի և արտաքին գործերի նախարարի գրասենյակում, Պորտուգալիայում և Հարավային Աֆրիկայում էմիրությունների դեսպանատներում։
