Ամբողջ աշխարհը կանգնած է լուրջ փոփոխությունների առաջ, և դա մեծապես պայմանավորված կլինի ԱՄՆ նորընտիր նախագահ Դոնալդ Թրամփի երդմնակալությամբ։ Նման կարծիք է հայտնել Հունգարիայի վարչապետ Վիկտոր Օրբանը՝ ելույթ ունենալով Կոսուտ ռադիոկայանի առավոտյան հաղորդման եթերում։
«Աշխարհը կանգնած է շատ ավելի մեծ փոփոխությունների, քան մենք կարծում ենք», - ասել է կառավարության ղեկավարը։ Նրա խոսքով՝ այդ փոփոխությունները կազդեն ողջ արևմտյան քաղաքակրթության վրա։
«Ես խոսել եմ ամերիկացիների հետ, խոսել եմ ռուսների հետ, խոսել եմ եվրոպացիների հետ, խոսել եմ թուրքերի հետ, և կարող եմ վստահորեն ասել, որ երբ ԱՄՆ ընտրված նախագահը ստանձնի պաշտոնը, աշխարհը վիթխարի շրջադարձ կանցնի»,- պնդել է Օրբանը։
Նրա խոսքով՝ Թրամփի՝ Սպիտակ տուն վերադառնալուն պես «իրադարձությունների շրջադարձ տեղի կունենա ամբողջ արևմտյան աշխարհում, այն կծավալվի բոլորի աչքի առաջ»։
