ԱՄՆ նախագահ Ջո Բայդենը ներում կշնորհի մոտ 1500 հոգու՝ մեղմացնելով դատավճիռը։ Ներում կշնորհվի նաև ոչ բռնի հանցագործությունների համար դատապարտված 39 հոգու. հայտնում է CNN-ը։
Ըստ լրատվամիջոցի՝ սա նշանակում է նախագահական ներման իրավունքի լայն կիրառում Բայդենի վարչակազմի պաշտոնավարման ավարտից ընդամենը մի քանի շաբաթ առաջ:
«Նրանք մարդիկ են, որոնք աշխատանք են ստացել, բարձրացրել իրենց կրթական մակարդակը, հոգ տարել իրենց երեխաների և ընտանիքի անդամների մասին և իսկապես ինտեգրվել իրենց համայնքների կյանքին»,- CNN-ին ասել է վարչակազմի խոսնակը՝ հավելելով․ «Նրանց մեջ կան մարդիկ, որոնք բախվել են կյանքի անհավանական դժվարությունների և այժմ իսկապես ձգտում են հաղթահարել այդ դժվարությունները»:
