Ուկրաինայի ԶՈւ-ն Տագանրոգի օդանավակայանին հարվածել է ամերիկյան արտադրության ATACMS բալիստիկ հրթիռներով, կան տուժածներ։ Այս մասին հայտնում է ՌԴ ՊՆ-ն։
«Ռազմական օդանավակայանի վրա հարձակումն անպատասխան չի մնա»,- նշված է հաղորդագրության մեջ:
«Դեկտեմբերի 11-ի առավոտյան Կիևի ռեժիմը հրթիռային հարձակում է իրականացրել Ռոստովի մարզում գտնվող Տագանրոգի ռազմական օդանավակայանի վրա: Հետաքննության ընթացքում պարզվել է, որ ամերիկյան արտադրության ATACMS բալիստիկ հրթիռներ են օգտագործվել», – հայտնել են ռազմական գերատեսչությունից։
Նշվում է, որ արկերի բեկորների ընկելու հետևանքով անձնակազմի մեջ կան զոհեր։ Նախարարությունն ընդգծել է, որ հակառակորդի այս հարձակումն անպատասխան չի մնա, և անհրաժեշտ միջոցներ կձեռնարկվեն։
