Սիրիայի նախկին նախագահ Բաշար ալ-Ասադն իր իշխանության տապալումից առաջ հրաժարվել էր ԱՄՆ-ի հետ գործարքից։ Այս մասին հայտնում է The Washington Post-ը (WP)՝ վկայակոչելով սիրիացի նախկին դիվանագետ Բասսամ Բարաբանդիին։
Ինչպես նշում է հրատարակությունը, Սիրիայում զինված ընդդիմության հարձակումից մի քանի շաբաթ առաջ ամերիկացիներն Արաբական Միացյալ Էմիրությունների միջոցով Սիրիայի նախկին առաջնորդին առաջարկել են հրաժարվել «Հեզբոլլահ» լիբանանյան կազմակերպությանը մատակարարումների համար իր տարածքն Իրանին տրամադրելուց։ Դրա դիմաց ԱՄՆ-ը խոստացել էր աստիճանաբար չեղարկել Սիրիայի դեմ պատժամիջոցները։ Սակայն Ասադը մերժել էր այդ առաջարկը։
ՏԱՍՍ–ի փոխանցմամբ՝ Ասադի համար ավելի ճակատագրական էր, ըստ WP-ի, այն, որ նա հրաժարվեց բարելավել հարաբերությունները Թուրքիայի նախագահ Թայիփ Էրդողանի հետ, ով առաջարկում էր կարգավորել հարաբերությունները Դամասկոսի հետ՝ քրդական ուժերին զսպելու և սիրիացի փախստականների առնվազն մի մասին Արաբական Հանրապետության տարածք վերադարձնելու դիմաց։
