Վրաստանի ՆԳՆ-ն հայտնում է, որ ընդհանուր առմամբ, 28 մարդ է ձերբակալվել Թբիլիսիում ցույցերի ժամանակ խմբակային բռնության գործով քրեական գործերով։
«Բողոքի ակցիաների ժամանակ խմբակային բռնություն կազմակերպելու, ղեկավարելու կամ մասնակցելու, բռնի գործողությունների հրապարակային կոչերի, ինչպես նաև պայթյուն նախապատրաստելու, ոստիկանների վրա հարձակվելու, գույքին վնաս պատճառելու փաստերով այս պահին բերման է ենթարկվել 28 անձ»,-նշված է հայտարարության մեջ։
Գերատեսչությունից հայտնում են, որ գիշերային ակցիայի ընթացքում քրեական գործերով բերման է ենթարկվել 2 անձ, իսկ գիշերը վարչական իրավախախտումների համար՝ 48 անձ, ինչը ենթադրում է մանր խուլիգանություն և ոստիկանությանը անհնազանդություն։
