«Փաստ» օրաթերթը գրում է.
«Պարզվում է՝ Ռուսաստանի Դաշնությունում Հայաստանի Հանրապետության արտակարգ և լիազոր դեսպան, ԱԺ ՔՊ խմբակցության նախկին պատգամավոր Գուրգեն Արսենյանը բավական բուռն է սկսել իր գործունեությունը Մոսկվայում:
Բայց խոսքը ոչ թե բուն դիվանագիտական գործունեության մասին է, այլ բացարձակ ուրիշ «դաշտի»:
Ըստ դիվանագիտական մեր աղբյուրների, նա Հայաստանի Հանրապետության ԱԳՆին է փոխանցել ռուսաստանաբնակ հայերի, այսպես կոչված, «սև ցուցակ», որոնց մուտքը Հայաստան առաջարկվում է արգելել։
Մեր ունեցած տեղեկություններով, ցուցակում ավելի քան 550 անուն կա՝ լրագրողներ, մշակույթի գործիչներ, քաղաքագետներ, Ռուսաստանի հայերի միության ներկայացուցիչներ և այլն։
