Ոչ ոք չգիտի պաղեստինյան արմատական ՀԱՄԱՍ շարժման ողջ մնացած պատանդների ճշգրիտ թիվը։ Այս մասին հինգշաբթի օրը CNN-ի եթերում հայտարարել է ՀԱՄԱՍ-ի քաղբյուրոյի անդամ Ուսամա Համդանը։Նրան հարցրել են, թե Գազայի հատվածում մնացած 120 պատանդներից քանիսն են դեռ ողջ։ «Ես գաղափար չունեմ այս մասին։ Այս մասին ոչ ոք պատկերացում չունի»,- պատասխանեց նա։Իսրայելի պաշտպանության նախարար Յոավ Գալանտը հունիսի 8-ին հայտարարել է Գազայի հատվածում իրականացված հատուկ գործողության արդյունքում չորս կենդանի պատանդների հաջող ազատ արձակման մասին։ Նա հավելել է, որ Իսրայելը կշարունակի մարտերը պաղեստինյան անկլավում, քանի դեռ չի փրկել մնացած 120 մարդուն։Իրավիճակը Մերձավոր Արևելքում կտրուկ վատթարացավ 2023 թվականի հոկտեմբերի 7-ին Գազայի հատվածից Իսրայելի տարածք ՀԱՄԱՍ-ի զինյալների ներթափանցումից հետո, որն ուղեկցվեց սահմանամերձ բնակավայրերի բնակիչների սպանությամբ և ավելի քան 240 պատանդ վերցնելով։ Ի պատասխան՝ Իսրայելը ռազմական գործողություն սկսեց Գազայում՝ նպատակ ունենալով ոչնչացնել ՀԱՄԱՍ-ի ռազմաքաղաքական կառույցը և ազատ արձակել բոլոր առևանգվածներին։ 2023 թվականի նոյեմբերի վերջին Եգիպտոսի և Կատարի միջնորդությամբ հաստատվեց մարդասիրական ժամանակավոր զինադադար, որը տևեց մեկ շաբաթ։ Այս ընթացքում, ըստ Իսրայելի, ազատ է արձակվել 110 պատանդ։ Դեկտեմբերի 1-ին հրադադարը խախտվել է, ռազմական գործողությունները վերսկսվել են և շարունակվում են մինչ օրս։
ՀԱՄԱՍ-ը չի կարողացել ասել, թե քանի պատանդ է ողջ մնացել
14.06.2024 13:46 |
Կատեգորիա
Պատահարներ
