Մադրիդի «Ռեալը» չի մտածում Կարլո Անչելոտիին պաշտոնանկ անելու մասին։ Ավելի վաղ տեղեկություններ էին տարածվեկ, որ ակումբի ղեկավարությունը դիտարկում է Սանտյագո Սոլարիին ժամանակավոր մարզիչ նշանակելու հնարավորությունը՝ մինչև Խաբի Ալոնսոյի գալը, ով այժմ գլխավորում է «Բայերը»։
Ինչպես հայտնում է Marca-ն, Մադրիդի «Ռեալը» հերքում է Անչելոտիի՝ մոտ ապագայում հնարավոր հեռացման մասին լուրերը։ Ֆլորենտինո Պերեսը լիովին աջակցում է իտալացի մասնագետին։
Նշվում է, որ նախագահն ու մարզիչը տեղյակ են թիմում տիրող բարդ իրավիճակին և մշտական երկխոսության մեջ են, և նրանց հարաբերություններում լարվածություն չկա։ Նշվում է, որ այս պահին Մադրիդի «Ռեալին» ամենից շատ անհանգստացնում է խիտ օրացույցն ու վնասվածքների առատությունը։
