Ադրբեջանի և Հայաստանի միջև խաղաղության համաձայնագիրը թույլ կտա հանգստություն և կայունություն ապահովել կովկասյան տարածաշրջանում։ Այս մասին ասել է Թուրքիայի ազգային պաշտպանության նախարար Յաշար Գյուլերը։ Նա ընդգծել է Բաքվի և Երևանի միջև «մասշտաբային խաղաղության պայմանագրի ստորագրման կարևորությունը»։
Նա նաև զեկուցել է ահաբեկչության դեմ պայքարում գրանցված հաջողությունների մասին՝ նշելով, որ Թուրքիայի զինված ուժերի հակաահաբեկչական գործողությունների շրջանակներում միայն այս տարվա սկզբից տարածաշրջանում վնասազերծվել է արգելված կազմակերպությունների 2654 զինյալ։
Թուրք նախարարն ընդգծել է ահաբեկչության դեմ պայքարում տարածաշրջանի երկրների համագործակցության կարևորությունը՝ ասելով, որ Իրաքի կառավարության հետ ձեռք բերված պայմանավորվածությունների համաձայն, այս ոլորտում կոնկրետ քայլեր են ձեռնարկվում։
Կիպրոսում տիրող իրավիճակի վերաբերյալ Թուրքիայի պաշտպանության նախարարության ղեկավարը նշել է, որ Անկարան ուշադիր հետևում է «կղզու հունական համայնքի գործողություններին, որոնք սպառնում են կայունությանը»։Գյուլերը նաև նշել է, թե Թուրքիան նկատում է «հումանիտար գործունեության պատրվակով Կիպրոսի հարավում օտարերկրյա պետությունների ակտիվության աճը»։
