Թուրքիայի հետախուզական ծառայությունները ձերբակալել են 54 մարդու՝ «Իսլամական պետություն» ահաբեկչական խմբավորման հետ կապ ունենալու կասկածանքով։ Այս մասին հայտարարել է հանրապետության ՆԳՆ ղեկավար Ալի Էրլիկայան։
«Իսլամական պետություն ահաբեկչական խմբավորման դեմ 18 նահանգներում իրականացված գործողությունների շրջանակում ձերբակալվել է 54 մարդ»,- գրել է նախարարը X-ում։
Նա նշել է, որ ձերբակալվածները կասկածվում են «Իսլամական պետության» անդամակցության, ահաբեկչական կազմակերպության զինյալներին օգնություն ցուցաբերելու և ապաստան տալու, ինչպես նաև սոցիալական ցանցերում դրա քարոզչության մեջ։ Ձերբակալությունների վերաբերյալ դատախազությունը քրեական գործեր է հարուցել։ Դատարանի որոշմամբ ձերբակալվել է 20 մարդ։
Թուրքիայի հետախուզական ծառայությունները պարբերաբար գործողություններ են իրականացնում ԻՊ-ի դեմ։ Տարվա ընթացքում, ըստ ՆԳՆ տվյալների, հանրապետությունում ձերբակալվել է ավելի քան 3 հազար մարդ՝ ահաբեկչական խմբավորման հետ կապերի կասկածանքով։
