Էստոնիայի վարչապետ Կայա Կալասը, Բելգիայի վարչապետ Ալեքսանդր դե Կրոոն և Լեհաստանի արտգործնախարար Ռադոսլավ Սիկորսկին նոր Եվրահանձնաժողովում եվրոպական դիվանագիտության ղեկավարի պաշտոնի ամենահավանական թեկնածուներից են՝ հաղորդում է Politico-ն՝ հղում անելով սեփական տեղեկատվությանը։Ժոզեպ Բորելի պաշտոնի հնարավոր հավակնորդների թվում են նաև Բելգիայի նախկին վարչապետ Սոֆի Վիլմսը, Լյուքսեմբուրգի արտգործնախարար Քսավյե Բետելը և Իռլանդիայի նախկին վարչապետ Միխոլ Մարտինը:Ավանդաբար այդ պաշտոնը զբաղեցնում էին «խոշոր երկրների» ներկայացուցիչներ, ինչպիսիք են Մեծ Բրիտանիան, Իտալիան և Իսպանիան։«Այն, որ այս անգամ դա կարող է լինել ավելի փոքր պետության ներկայացուցիչ, շատ դիվանագետներ համարում են դրական զարգացում, քանի որ ավելի մեծ երկրները սովորաբար ավելի մեծ ծրագրեր են ունենում»,- ընդգծել է Politico-ն:
ԵՄ դիվանագիտության ղեկավարի պաշտոնին հավակնում են Էստոնիայի և Բելգիայի վարչապետներն ու Լեհաստանի ԱԳՆ ղեկավարը
08.06 17:51 |
Կատեգորիա
Քաղաքական
