Գերմանիայի արտաքին գործերի նախարար Անալենա Բերբոքը և նրա ամուսինը՝ Դանիել Հոլեֆլեյշը, 17 տարվա ամուսնական կյանքից հետո հայտարարել են ամուսնալուծության մասին, հայտնում է Bild-ը՝ վկայակոչելով նախկին ամուսինների հայտարարությունը։
«Բեռլինում վաղուց լուրեր էին պտտվում նրանց ամուսնալուծության մասին: Այժմ արտգործնախարար Անալենա Բերբոքը և նրա ամուսինը՝ Դանիել Հոլեֆլեյշը հաստատում են. 17 տարվա ամուսնությունից հետո նրանց սերն ավարտվել է»,-ասված է հաղորդագրության մեջ:
Զույգը նաև նշել է, որ նրանք դեռ նոր զուգընկերներ չեն գտել, և ավելին, շարունակում են ապրել Պոտսդամում՝ երկու դուստրերի հետ, ովքեր ինը և 13 տարեկան են։
Հրապարակումը նաև ուշադրություն է հրավիրել այն փաստի վրա, որ Բաքվում ՄԱԿ-ի Կլիմայի փոփոխության շրջանակային կոնվենցիայի (COP29) Կողմերի համաժողովի 29-րդ նստաշրջանում Բերբոքը ներկայացել էր առանց ամուսնական մատանու։
