Հունգարիան համաձայն չէ Իսրայելի վարչապետ Բենիամին Նեթանյահուին կալանավորելու մասին Միջազգային քրեական դատարանի որոշման հետ և պատրաստ է հյուրընկալել նրան այցով՝ երաշխավորելով նրա ամբողջական անվտանգությունն ու ամբողջականությունը։
Այս մասին հայտարարել է Հունգարիայի վարչապետ Վիկտոր Օրբանը՝ ելույթ ունենալով kossuth ռադիոկայանի առավոտյան հաղորդման եթերում։
«Սա սխալ որոշում է», - ասել է նա՝ պատասխանելով այն հարցին, թե ՄՔԴ-ն կալանավորելու օրդեր է տվել Նեթանյահուի և Իսրայելի պաշտպանության նախկին նախարար Յոավ Գալանտի նկատմամբ, ովքեր մեղադրվում են մարդկության դեմ հանցագործությունների մեջ:
Օրբանը կարծում է, որ ՄՔԴ-ի գործողությունները քաղաքականացված են, վարկաբեկում են այս միջազգային ինստիտուտը և հանգեցնում են Մերձավոր Արևելքում հակամարտության սրմանը։
