ՄԱԳԱՏԷ-ն տեղեկություն չունի Պարչինում (Parchin) միջուկային նյութերի առկայության մասին, որոնց վրա Իսրայելը կարող էր հարվածներ հասցրած լինել։ Այս մասին հայտարարել է կազմակերպության ղեկավար Ռաֆայել Գրոսսին։ Ավելի վաղ հրեական պետության վարչապետ Բենիամին Նեթանյահուն Կնեսետի (խորհրդարանի) նիստում ասել էր, որ Իսրայելը Իրանին հարվածել է Իսլամական Հանրապետության «միջուկային ծրագրի որոշակի բաղադրիչի» վրա։
Իսրայելի ռազմաօդային ուժերը, ինչպես ավելի վաղ հայտնել էր Աքսիոս պորտալը ,Իսրայելը հարձակվել էր անօդաչու թռչող սարքերի գործարանի վրա և «խորհրդանշական» հարված հասցրել Պարչին քաղաքի տեղանքին, որը նախկինում օգտագործվել էր միջուկային զենքի հետազոտման և մշակման համար։ «Մենք սա չենք համարում միջուկային օբյեկտ, մենք չունենք տեղեկատվություն, որը կհաստատի միջուկային նյութերի առկայությունը այնտեղ»,- ասել է Գրոսին Վիեննայում կայացած մամուլի ասուլիսում։ Նա նշել է, որ չգիտի, թե ինչ տեղեկություններ կարող է ունենալ Իսրայելը օբյեկտի կարգավիճակի մասին: Նա հիշեցրել է, որ միջուկային օբյեկտները չպետք է դառնան հարձակման թիրախ:
