Լեգենդար ֆուտբոլիստ Ռոնալդոն մտադիր է 2026 թ. մասնակցել Բրազիլիայի ֆուտբոլի ֆեդերացիայի նախագահական ընտրություններին, հայտնում է Diario Sport-ն։
Նա մտադիր է նախագահ ընտրվելու դեպքում Բրազիլիայի ազգային հավաքականի գլխավոր մարզիչ նշանակել իսպանացի անվանի մասնագետ Պեպ Գվարդիոլային։
53-ամյա մասնագետը, որը 2016 թ. հուլիսից գլխավորում է անգլիական «Մանչեսթեր Սիթին» և մինչև 2026 թ. հունիսի 30-ը գործող պայմանագիր ունի ակումբի հետ, ապագայի հարցում դեռ վերջնական որոշում չի կայացրել։ Գվարդիոլան տեղյակ է Ռոնալդոյի ծրագրերից, սակայն նրան հստակ պատասխան չի տվել։
Բրազիլիայի ֆուտբոլի ֆեդերացիայից արդեն մի քանի անգամ կապվել են Գվարդիոլայի հետ։ Նա ակնարկել է, որ ցանկանում է աշխատել հավաքականում և այն գլխավորելու տարբերակը նրան դուր է գալիս։
Բրազիլիայի հավաքականն այժմ մարզում է Դորիվալ Ժունիորը։
