Ռուսաստանին ու Ուկրաինային բանակցությունների սեղանի շուրջ կարող է բերել միայն ԱՄՆ նախագահական ընտրություններում հաղթած Դոնալդ Թրամփը։ Այս մասին CNN-ին տված հարցազրույցում ասել է Թրամփի անցումային թիմի հաղորդակցության տնօրեն Սթիվեն Չունգը։
Չունգը հիշեցրել է Թրամփի խոսքերն այն մասին, որ նա միակ մարդն է, ով կարող է մերձեցնել Մոսկվային և Կիևին հակամարտությանը վերջ տալու և խաղաղության հասնելու համար։
Միևնույն ժամանակ, Թրամփի դաշնակիցը չի պատասխանել լրագրողների այն հարցին, թե արդյոք նորընտիր նախագահը և ազգային անվտանգության նրա ապագա խորհրդականները նախապես տեղեկացված են եղել պետության ներկայիս ղեկավար Ջո Բայդենի որոշման մասին, որը թույլ է տվել Կիևին ամերիկյան հրթիռային հարվածներ հասցնել։
