Պրոֆեսիոնալ բռնցքամարտի 6 քաշային կարգերում աշխարհի նախկին չեմպիոն Օսկար Դե Լա Խոյան կանխատեսում է արել ծանր քաշային կարգում աշխարհի նախկին բացարձակ չեմպիոն Մայք Թայսոնի և բլոգեր Ջեյք Փոլի մենամարտի վերաբերյալ:
«Թայսոնն ընդամենը 3 ռաունդ ունի ռինգում խնդիրը լուծելու համար: Դրանից հետո նրա վառելիքը կվերջանա և Մայքը կսկսի հոգնել: Այդ տարիքում շատ բարդ է 3 ռաունդից ավելի դիմանալը: Եթե Մայքը ճիշտ հարված հասցնի այդ ընթացքում, ապա Փոլը հրաժեշտ կտա մեզ: Ամեն դեպքում, եթե մենք հասնենք 4-րդ ռաունդ, ապա հաղթանակը կտամ Ջեյքին»,- հանրահայտ փրոմոութերի խոսքերը մեջբերում է Boxing News 24-ը:
Մայք Թայսոնի և Ջեյք Փոլի միջև մենամարտը կկայանա նոյեմբերի 15-ին։58-ամյա Թայսոնը նախորդ պաշտոնական մենամարտն անցկացրել է 2005 թվականին։ Ամերիկացին պրոֆեսիոնալ ռինգում ունի 50 հաղթանակ և 6 պարտություն։ 27-ամյա Փոլը հաղթել է 10 մենամարտում, ունի 1 պարտություն:
