Նորվեգիայի հարավում գտնվող Դրամմեն համայնքում՝ Օսլոյից 50 կմ դեպի արևմուտք, խոշոր հրդեհ է բռնկվել, որը ԶԼՄ-ների տվյալով՝ երկրում ամենախոշորն է Երկրորդ համաշխարհային պատերազմից ի վեր:
Նախօրեին բռնկված հրդեհը արդեն ավելի քան 100 բնակելի տուն է ոչնչացրել և տարածվել մոտակա անտառ: Դեպքի վայրում աշխատում են հրշեջ մեքենաներ և ուղղաթիռներ: Տարհանվել են հարյուրավոր բնակիչներ։ Տասը մարդ թունավորվել է ծխից, նրանցից երկուսը տեղափոխվել է հիվանդանոց։ Բացի դրանից՝ մեկ ոստիկան թեթև վնասվածքներ է ստացել:
Նշվում է, որ հրդեհաշիջման աշխատանքները կշարունակվեն ամբողջ օրվա ընթացքում. մնում են հրդեհի ևս մի քանի օջախներ ինչպես բնակելի շինություններում, այնպես էլ անտառում:
