ԱՄՆ-ը չէր պատերազմի Իրանի դեմ, եթե նախագահ լիներ ներկայիս փոխնախագահ Ջ.Դ.Վենսը: Նման կարծիք է հայտնել ամերիկացի լրագրող Թակեր Կարլսոնը։ «Եթե Վենսը լիներ նախագահ, մենք չէինք պատերազմի Իրանի հետ: Ես չեմ պատկերացնում, որ Վենսը դուրս գար և ասեր.
«Մենք պետք է երկու պատերազմ սկսենք, որպեսզի տապալենք ֆանտոմային միջուկային ծրագիրը»:
Հարցին, թե Վանսը կարող է հաղթել հաջորդ նախագահական ընտրություններում, Կարլսոնն ասել է. «Կտեսնենք։ Ես կցանկանայի տեսնել նրան նախագահ 2024-ին, բայց դա տեղի չունեցավ»: Վենսը, պետքարտուղար Մարկո Ռուբիոյի հետ, ճանաչվել է որպես 2028-ի ընտրություններում Հանրապետական կուսակցությունից նախագահի հավանական թեկնածուներից մեկը: Ըստ ամերիկյան լրատվամիջոցների, Վենսը Թրամփի այն սակավաթիվ դաշնակիցներից էր, ով քննադատում էր Իրանի հետ պատերազմը:
