Իլոն Մասկի դուստրը ցանկանում է հեռանալ ԱՄՆ-ից, պատճառը նախագահական ընտրություններում Դոնալդ Թրամփի հաղթանակն է․
«Ես երկար էի մտածում այս մասին, բայց երեկ վերջապես համոզվեցի. ես իմ ապագան ԱՄՆ-ում չեմ տեսնում։ Եթե անգամ նա ընդամենը 4 տարի է լինելու իշխանության, նույնիսկ եթե ինչ-որ հրաշքով հակատրանս օրենքները չընդունվեն, ապա գիտակցաբար կողմ քվեարկած մարդիկ շուտով ոչ մի տեղ չեն անհետանա»։20-ամյա Վիվիան Ջեննա Ուիլսոնը չի շփվում իր միլիարդատեր հոր հետ: Մասկը որպես քաղաքական հայացքների փոփոխության պատճառ նշել է Վիվիանի տրանսանցումը։ Պահպանողական հոգեբան Ջորդան Պետերսոնի հետ հարցազրույցի ժամանակ նա ասել է, որ «ըստ էության կորցրել է իր որդուն», քանի որ «նա «սպանվել է» արթնացած ուղեղի վիրուսով»:
Ամերիկյան լրատվամիջոցները գրել են, որ դրանից հետո Մասկը որոշել է ձեռք բերել Twitter-ը և մտնել քաղաքականություն՝ հակազդելու այդ գաղափարներին։
Վիվիանը կիսվել է իր մտքերով Threads-ում, Meta-ի սոցիալական ցանցում, որը համարվում է X-ի գլխավոր մրցակիցը։
