Պետական միջոցների փոշիացման դեմ բղավող, երբեմնի ընդդիմադիր Փաշինյանի քաղաքական թիմը, սեփական իշխանությունը պահելու համար որևէ խնայողություն չի կատարում։
Հոկտեմբերի 9-ին Բագրատ սրբազանի հրավիրված ակցիայի համար, որտ տեղի է ունեցել Գլխավոր դատախազության առջև, Ներքին Գործերի նախարարությունը շուրջ 1500 ոստիկան է տեղափոխել։
Այս մասին Euromedia24.com-ը տեղեկանում է Ֆինանսների նախարարության Էլեկտրոնային գնումների ARMEPS համակարգից։
11 մլն 649 հազար դրամ գումարով, ՆԳՆ-ն պայմանագիր է կնքել «ԷԼԻՏԲԱՍ» ՍՊԸ-ի հետ, ուղևորափոխադրող ավտոմեքենաների վարձակալության համար։
Պայմանագրի մեջ նշված է, որ ավտոբուսների վարձակալությունը նախատեսված է ոստիկանական զորքերի տեղաշարժի համար։
Հիշեցնենք, որ Նիկոլ Փաշինյանը 2018 թվականին, վարչապետ ընտրվելուց հետո, հայտարարեց, որ ոստիկանության ներքին զորքերը այլևս իշխանությունների պահպանման համար չեն ծառայելու, այլ պետք է գնան դիրքեր պահելու։
