ԱՄՆ զինված ուժերի կողմից Իրանի նավահանգիստների շրջափակումն ավելի արդյունավետ է եղել, քան ռմբակոծությունը, և Վաշինգտոնը, անհրաժեշտության դեպքում, արագ կվերադառնա այս մարտավարությանը։ Այս մասին հայտարարել է ԱՄՆ նախագահ Դոնալդ Թրամփը հունիսի 22-ին Սպիտակ տանը լրագրողների հետ զրույցում։
«Եթե պետք է իմանաք, կարծում եմ՝ շրջափակումն ավելի արդյունավետ էր, քան ռմբակոծությունը։ Եվ մենք պատրաստ ենք դա կրկին անել, ես կասեի՝ 15 րոպեից», – ասել է նա՝ մեկնաբանելով Իրանի շուրջ ստեղծված իրավիճակը։ Այնուհետև նա Սպիտակ տանը ներկա ԱՄՆ պաշտպանության նախարար Փիթ Հեգսեթին հարցրել է, թե արդյոք իսկապես հնարավոր է արագ վերականգնել շրջափակումը։ «Ամերիկյան զինվորականները պատրաստ են գործել հենց հիմա, եթե անհրաժեշտ լինի», – պատասխանել է Պենտագոնի ղեկավարը։
Միացյալ Նահանգները և Իսրայելը պատերազմ սկսեցին Իրանի դեմ փետրվարի 28-ին։ Հունիսի 14-ին Միացյալ Նահանգների, Իրանի և Պակիստանի պաշտոնյաները հաստատեցին Վաշինգտոնի և Թեհրանի միջև համաձայնագիրը, որն ուղղված էր Մերձավոր Արևելքում հակամարտության դադարեցմանը։
