Մեծ Բրիտանիան փորձարկում է նոր հեռահար հրթիռներ, որոնք տեսականորեն կարող են հասնել մինչև Մոսկվա, հայտնում է The Telegraph-ը։
Խոսքը շուրջ 250 կիլոգրամ մարտագլխիկ կրող և ավելի քան 400 կիլոմետր հեռահարություն ունեցող հրթիռային համակարգերի մասին է։ Թերթի տվյալներով՝ մոտ ապագայում այդ սպառազինությունը կարող է փոխանցվել Ուկրաինային։
Պարբերականի տվյալներով՝ նոր համակարգերը փորձարկվել են Հեբրիդյան կղզիներում գտնվող փորձադաշտում, իսկ առաջիկա ամիսներին նախատեսվում են լրացուցիչ փորձարկումներ։ Նշվում է, որ հրթիռները կզարգացնեն մոտ 600 կմ/ժ արագություն։
Nightfall հրթիռների մշակման մրցույթը նախորդ տարի շահել են բրիտանական MBDA, MGI Engineering և Rotron Aerospace ընկերությունները։ Ծրագիրն իրականացվում է Project Brakestop նախաձեռնության շրջանակում, որի նախնական ֆինանսավորումը կազմել է շուրջ 5 մլն ֆունտ ստերլինգ, իսկ հետագայում դրա համար հատկացվել է ևս 15 մլն ֆունտ։
