Մեծ Բրիտանիան զբաղվում է մատչելի հեռահար սպառազինության ստեղծմամբ, որը պոտենցիալ կերպով կարող է կիրառվել Ուկրաինայում և զերծ կմնա ամերիկյան տեխնոլոգիաներից ու մատակարարումներից կախվածությունից։
Bloomberg պարբերականը, հղում անելով պաշտպանական գերատեսչության պաշտոնյաներին, հայտնում է, որ Մեծ Բրիտանիան մշակում է էժան հեռահար սպառազինություն։ Այն տեսականորեն հնարավոր է կիրառել Ուկրաինայում, և այն կախվածություն չի ունենա ԱՄՆ մատակարարումներից ու տեխնոլոգիաներից։
Ըստ ներկայացված տվյալների՝ առաջիկա ամիսներին Մեծ Բրիտանիայի և Ուկրաինայի տարածքներում ծրագրվում է փորձարկումների ենթարկել բրիտանական արտադրության երեք համակարգ՝ MBDA, MGI Engineering և Rotron Aerospace ընկերություններից։ Այդ փորձարկումների ավարտից հետո քննարկվում է մեկ տարվա ընթացքում դրանք ռազմական գործողությունների գոտի հասցնելու հնարավորությունը։
Շեշտվել է, որ այս նոր նախագծերի հիմնական առանձնահատկությունը ամերիկյան տվյալներից ու բաղադրիչներից կախվածության կրճատումն է, ինչը նպատակ ունի մեծացնել բրիտանական պաշտպանական տեխնոլոգիաների ինքնավարության մակարդակը։
