«Փաստ» օրաթերթը գրում է, որ ընդդիմության բոյկոտի պայմաններում և ՔՊ-ի միակուսակցական վիճակում ԱԺ-ում քննարկվել է նախագիծ, ըստ որի՝ ընտրություններին կարող են մասնակցել միայն այն քաղաքացիները, ովքեր քվեարկությանը նախորդող կես տարվա ընթացքում գտնվել են Հայաստանի Հանրապետության տարածքում։
Պարբերականը սա գնահատում է որպես սահմանադրական իրավունքների սահմանափակում և հարց բարձրացնում արտագնա աշխատանքի, ուսման կամ բուժման նպատակով արտերկրում գտնվող քաղաքացիների ընտրելու իրավունքի հնարավոր զրկման մասին։
Թերթը շեշտում է նաև նման նախաձեռնության քննարկումը լիազորությունների ժամկետն ավարտող խորհրդարանում։
