ԱՄՆ պետքարտուղար Մարկո Ռուբիոն հայտարարել է, որ Վաշինգտոնի կողմից աջակցվող TRIPP տրանսպորտային նախագիծն ունի ներուժ «արմատականացնելու» Հայաստանի ռազմավարական դերը և երկիրը վերածելու տարածաշրջանային առևտրային կենտրոնի՝ միաժամանակ ամրապնդելով Երևանի և Վաշինգտոնի միջև հարաբերությունները։
ԱՄՆ Սենատի առջև ելույթ ունենալով՝ Ռուբիոն TRIPP-ն անվանել է «շատ ավելին, քան պարզապես խաղաղության համաձայնագրի մի մաս» Հայաստանի և Ադրբեջանի միջև։ «Մենք ստորագրել ենք TRIPP համաձայնագիրը ԱՄՆ-ի և Հայաստանի միջև։ Այն իսկապես ունի ներուժ արմատապես վերափոխելու Հայաստանի ռազմավարական դիրքը և այն դարձնելու տարածաշրջանային առևտրային հիմնական կենտրոն», – ասել է Ռուբիոն՝ անդրադառնալով մայիսի վերջին Երևանում նախաստորագրված շրջանակային համաձայնագրին։
Ըստ նրա, նախագիծը լուծում է Ադրբեջանի տրանսպորտային հասանելիության հարցը՝ միաժամանակ լայն տնտեսական հնարավորություններ բացելով Հայաստանի համար և արդեն իսկ խթան է հաղորդել ԱՄՆ-ի և Հայաստանի միջև երկկողմ հարաբերություններին։ «Երկար ժամանակ մեր հարաբերությունները Հայաստանի հետ բավականին լճացած էին, իսկ որոշ դեպքերում՝ գրեթե բացակայում էին։ Այժմ դրանք նոր խթան են ստացել, և մենք կարող ենք քննարկել համագործակցությունը լայն շրջանակ», – նշել է նա։
