Միացյալ Նահանգները, մասնակցելով ուկրաինական հակամարտությանը, կարող է օգնել վերջ տալ պատերազմին, բայց արդյոք դա կանի, թե ոչ, պարզ կդառնա 2025 թվականի հունվարից հետո, երբ երկրի նոր նախագահը ստանձնի պաշտոնը։ Այս մասին լրագրողներին հայտնել է ՌԴ պետության ղեկավարի մամուլի քարտուղար Դմիտրի Պեսկովը։
«Մենք բազմիցս ասել ենք, որ ԱՄՆ-ը ի վիճակի է նպաստել այս հակամարտության ավարտին»,-ՏԱՍՍ-ի փոխանցմամբ՝ հայտարարել է Կրեմլի ներկայացուցիչը։
«Բայց, քանի որ ԱՄՆ-ն է այն պետությունը, որը հրահրում է և անմիջականորեն մասնակցում է դրան, ապա, այո, ԱՄՆ-ը ի վիճակի է փոխել իր արտաքին քաղաքականության այս հետագիծը»,-ասել է Ռուսաստանի ղեկավարի մամուլի խոսնակը։
